Futsal Shkupi prezanton tre emra të ri

Futsal Shkupi në prag të sezonit të ri është përforcuar me tre emra të rinj, me të cilët beson se do t’ia dalë të mbroj titullin e kampionit në elitën e futsalit vendor.

Bëhet fjalë për shkupjanët Skender Kovaçi dhe Vedat Arslan, si dhe për tetovarin, Ismet Ceka.

Ky i fundit vjen nga rradhët e SEE Universitetit, teksa Vedat Arslan së fundmi ishte pjesë e Juventus Seravës. Ndërkohë sa i përket Skender Kovaçit, ai ishte pjesë e asaj gjenerate të parë të Futsal Shkupit, kur skuadra nga Çairi arriti që të ngjitet në Ligën e Parë të Futsalit.

“Me përforcimet që i kemi marrë dhe eksperiencën që kemi kalu në Linc të Austrisë, ambiciet tona janë që ta mbrojmë titullin e kampionit si dhe ta fitojmë Kupën e Maqedonisë. Me dy ish lojtarët që kanë kaluar në Republikën e Kosovës që të vazhdojnë atje të luajnë futboll, kemi disa ngecie të vogla, por me dy prurjet e reja në sezonin e ri besoj se do t’ia dalim” – tha Skender Kovaçi, i cili ishte bashkë me klubin nga Çairi edhe në ndeshjet para eliminatore të Ligës së Kampionëve në Linz të Austrisë.

Rikujtojmë nga Shkupi gjatë merkatos së verës u largua dyshja Erkan Seferi – Rexhep Sulejmani, ndërsa drejtuesit e klubit besojnë se prurjet e reja do të zëvendësojnë mungesën e tyre.

Ndeshjen e parë Futsal Shkupi do ta zhvillojë të dielën, kur si vendas do të mirëpret ekipin e Kratovës, një skuadër që këtë vit siguroi një vend në mesin e më të mirëve.

Leave a Reply