Në ndeshjet e javës së 8-të në elitën e futbollit vendor te Rabotniçki dhe Pobeda debutimin e tyre e kishin dy trajnerët, Goran Stankovski dhe malazezi, Slavoljub Bubanja, njofton “infOSport.mk”.
Ky i fundit ishte me fat, pasi skuadra e tij shënoi fitore ndaj Skopjes me rezultatin 4:2, teksa Goran Stankovski, i cili vetëm një ditë më parë zëvendësoi Viktor Trnevskin në postin e trajnerit te “romantikët”, barazoi pa gola në teren vendas përballë Sileksit nga Kratova.
STANKOVSKI ZËVENDËSON TRENEVSKIN TE RABOTNIÇKI
Ishte ky barazimi i tretë këtë edicion për Rabotniçkin që nuk e ka nisur mirë sezonin, ndërkohë në anën tjetër fitorja e Pobedës, sheh këtë skuadër më lartë në tabelën e klasifikimit, që shton shpresat se me malazezin Bubanja në krye, Pobeda do të luftojë për mesin e tabelës dhe jo për mbijetesë.
Në derbin shqiptarë të Tetovës, Shkëndija me rezultatin 2:0 mundi Renovën, ku sërish në skenë doli dyshja Ibra-Hasani, teksa Shkupi edhe përkundër dominimit absolut ndaj Pelisterit, në fund nuk mundi të nxjerr më shumë se një barazim 1:1 në ndeshjen e zhvilluar në Çair.
Pas 8 xhirove Shkëndija me 22 pikë kryeson bindshëm renditjen tabelare, të cilën në mënyrë të plotë mund ta ndiqni KËTU.
|
LPFM, Java VIII |
||
| Akademija Pandev | E shtyrë | Vardari |
| Pobeda | 4 : 2 | Skopje |
| Rabotniçki | 0 : 0 | Sileksi |
| Shkendija | 2 : 0 | Renova |
| Shkupi | 1 : 1 | Pelisteri |
