Nora dhe Distria të arta në Kupën e Botës “Grand Prix” në Hagë

Nora Gjakova dhe Distria Krasniqi janë stolisur me medalje ari në kuadër të Kupës së Botës “Grand Prix” që po mbahet në Hagë të Holandës, njofton “infOSport.mk”.

Nora në kategorinë -57 kilogramë, në finalen e madhe mposhti gjermanen, Theresa Stoll, teksa Distria Krasniqi në një luftë që nuk zgjati më shumë se 34 sekonda në kategorinë -52 kg me Ippon mposhti spanjollen, Estrella Lopez.

Ky është një tjetër sukses i madh i xhudos kosovare, pasi vetëm një javë më parë fituan të artën dhe të argjendën në Kampionatin Evropian U-23.

Gjatë ditës së nesërme në kuadër të Kupës së Botës “Grand Prix” në Hagë do të garojë edhe xhudisti tjetër kosovar, Akil Gjakova.

Këto fitore edhe njëherë tjetër paralajmërojnë punën e madhe që po bënë trajneri i palodhshëm Driton Kuka bashkë me xhudistet kosovare, të cilat edhe njëherë tjetër treguan se janë në rrugën e duhur për Lojërat Olimpike “Tokio 2020”.

Leave a Reply