Nesër vendoset, 9 maji alternativë për tu luajtur derbi Milan-Inter!

Ndarja nga jeta në mënyrë të papritur e Davide Astorit, mbrojtësit italian dhe kapitenit të Fiorentinës, bëri që të gjithë klubet njëzëri, të shpreheshin pro shtyrjes së javës së 27 të Serisë A. Nesër Liga Italiane e Futbollit pritet të mblidhet për të diskutuar mbi datat e mundshme, për të zhvilluar ndeshjet e mbetura të javës së 27, mes të cilave edhe derbi Milan-Inter.

Kështu opsioni i parë është që takimet e mbetura të luhen më 9 Maj, datë që përkon me finalen e Kupës, por që do të zhvendoste këtë të fundit për një tjetër datë. Gjithashtu, ekziston edhe opsioni që ndeshjet të zhvillohen më 14 Mars, por në këtë datë nuk mund të zhvillohen ndeshjet Milan-Inter për shkak të angazhimit të kuqezinjve në Europa League dhe Sampdoria-Atalanta, pasi bergamaskët do të rikuperojnë ndeshjen me Juventusin.

Kështu, mundësitë më të mëdha janë që derbi i Madonninës të shijohet më 9 Maj, ndërsa finalja e Kupës të zhvendoset për më vonë.

Leave a Reply