Sulmuesi belg i Mançester Junajtedit, Romelo Lukaku, nuk ishte në ditën e tij më të mirë të hënën përballë Totenahmit, në të cilën ndeshje skuadra e tij pësoi disfatë 0:3 në “Olld Traford”.
Që të tre golat “spërsat” i realizuan gjatë pjesës së dytë, ndërsa pa dyshim se kjo ndeshje mund të kishte një rrjedhojë ndryshe, në rast se Lukaku gjatë pjesës së parë shënonte në rrjetën e zbrazët.
Numri 9-të i “Djajve të Kuq” nuk arriti që të ndëshkojë pasimin e dobët të Dani Rouz drejt portierit të tij Hugo Loris, i cili kishte shumë fat, pasi goditja e Lukaku përfundoi për disa centimetra skaj portës së tij.
Ky nuk ishte rasti i vetëm i humbur nga ana e sulmuesit belg në ndeshjen e mbrëmshme, mirëpo ishte më i miri që ndoshta do i kishte dhënë një tjetër kahje ndeshjes.
Në video mund të shihni edhe reagimin e strategut portugez, ndërsa në rrjetet sociale është publikuar edhe një tjetër “tuit” nga ana e Lukaku, kësaj rradhe gjatë nxemjes para ndeshjes me Totenhamin, kur edhe njëherë tjetër u tregua shumë i pasaktë para portës. Si duket që nga koha e nxemjes Lukaku nuk ishte në ditën e tij më të mirë, e kur një sulmues si ai gabon, atëherë Junajtedi disfatës nuk ka se si i shpëton.
If you’re thinking that Lukaku had a bad half, you should have seen him training before the game… #MANTOT pic.twitter.com/kbOX16A4zu
— Siraj Datoo (@dats) August 27, 2018
