Pas zhvillimit të ndeshjeve të javës së 5-të në elitën e futbollit vendor, renditja tabelare ka pësuar ndryshime, njofton “infOSport.mk”. Në pozitën e parë tashmë e vetmuar qëndron skuadra e Akademia Pandev me 12 pikë, një më shumë se skuadra kampione e Shkëndijës, që në Tetovë demoloi ekipin e Rabotniçkit me rezultatin 6:2. “Romantikët” para kësaj jave kryesonin tabelën bashkë me Akademia Pandevin, mirëpo tashmë ndodhen vetëm në pozitën e katërt, pas Vardarit që ka 11 pikë në pozitën e tretë.
Pobeda falë fitores minimale 1:0 ndaj Renovës, renditet në pozitën e 5-të me 8 pikë, 3 më shumë se Sileksi që sot pësoi një disfatë të rëndë në udhëtim te Akademia Pandev, teksa Renova me 4 pikë mban pozitën e 7-të.
Në tre pozitat e rrezikshme ndodhen Makedonija Gj.P, Shkupi dhe Bellasica.
| # | Skuadrat | Nd | F | B | D | G-av. | Pikë |
| 1. | Akademia Pandev | 5 | 4 | 0 | 1 | 8:2 | 12 |
| 2. | Shkëndija | 5 | 3 | 2 | 0 | 14:6 | 11 |
| 3. | Vardari | 5 | 3 | 2 | 0 | 7:4 | 11 |
| 4. | Rabotniçki | 5 | 3 | 0 | 2 | 10:11 | 9 |
| 5. | Pobeda | 5 | 2 | 2 | 1 | 2:2 | 8 |
| 6. | Sileksi | 5 | 1 | 2 | 2 | 3:6 | 5 |
| 7. | Renova | 5 | 1 | 1 | 3 | 5:7 | 4 |
| 8. | Makedonija Gj.P | 5 | 0 | 3 | 2 | 2:4 | 3 |
| 9. | Shkupi | 5 | 0 | 2 | 3 | 3:6 | 2 |
| 10. | Bellasica | 5 | 0 | 2 | 3 | 2:8 | 2 |
