Derbi ndeshja e javës së 8-të në Ligën e Dytë – Lindje midis Kit Go dhe Borecit është mbyllur me barazim 1:1, njofton “infOSport.mk”.
Me këtë barazim skuadra nga Velesi ruajti epërsinë në krye të renditjes, mirëpo që tashmë është vetëm 4 pikë ndaj ndjekësit më të afërt Tikveshit, që në fushën e saj pa shumë probleme mundi Partizan Obrshanin me rezultatin 3:1.
Të dy golat në ndeshjen derbi u shënuan vetëm në pjesën e dytë, edhe atë me vendasit që avansuan të parët falë golit të Ile Senev në minutën e 72-të, teksa barazimin Borecit i’a siguroi Toni Mirçevski me golin e shënuar në minutën e 86-të. Ndërkohë më të merituar për fitoren 3:1 të Tikveshit ndaj Partizan Obrshanit ishin Mojsov, Ilievski dhe Delov.
Kozhuvi falë golave të shënuar nga Lazar Peev (11’) dhe Emir Skenderi (30’) mundi Vardar Negotinën në transfertë me rezultatin 2:1, teksa ndeshja midis dy skuadrave të fundit në tabelë, Detonit Junior dhe Sasa-s u mbyll me barazimin 2:2.
| LDFM – Lindje, Java VIII | ||
| Bregallnica | 2 : 0 | Plaçkovica |
| Detonit J. | 2 : 2 | Sasa |
| Kit Go | 1 : 1 | Boreci |
| Vardar N. | 1 : 2 | Kozhuvi |
| Tikveshi | 3 : 1 | Partizan O. |
