Mançester Junajtedi edhe zyrtarisht ka publikuar emrin e trajnerit të ri, i cili do të udhëheq ‘Djajtë e Kuq’ deri në fund të sezonit aktual. Ole Guner Soljsker është strategu që do të udhëheq ish skuadrën e tij, ku edhe kishte krijuar emër si futbollist.
Norvegjezi, i cili për 11 sezone me rradhë ishte pjesë e ‘Djajve të Kuq’, në postin e trajnerit do të zëvendësojë Hoze Murinjon, i cili gjatë ditës së djeshme u shkarkua nga ana e drejtuesve të Junajtedit.
Ndrihmës të Soljsker do të jenë Majk Filan, Majkëll Karik dhe Kiron Makena, njoftuan nga klubi i Mançesterit.
We can confirm that Ole Gunnar Solskjaer has been appointed as caretaker manager until the end of the 2018/19 season.
He will be joined by Mike Phelan as first-team coach, together with Michael Carrick and Kieran McKenna. #MUFC
— Manchester United (@ManUtd) December 19, 2018
‘Mançester Junajtedin e kam në zemër dhe për mua është një kënaqësi dhe nder që në këtë klub po rikthehem në rolin e trajnerit. Me padurim pres që të nis me punë, në veçanti me këtë formacion talentësh që kemi, me stafin dhe me të gjithë në këtë klub’ – tha 45-vjeçari Soljsker.
Që gjatë ditës së djeshme drejtuesit e Junajtedit thanë se do të emërojnë një trajner, i cili do të udhëhiqte ata vetëm deri në fund të sezonit, që më pas gjatë verës të emërojnë një emër të madh, i cili do i udhëhiqte për një kohë më të gjatë.
Soljsker debutimin e tij në bankinën e Junajtedit do ta ketë të shtunën kundër Kardif Sitit si mysafir. Pikërisht këtë skuadër, Soljsker udhëhoqi gjatë vitit 2014-të. Atë kohë ai nuk kishte ndonjë sukses të madh, pasi Kardifi në fund humbi statusin e skuadrës elitare.
Soljsker me Junajtedin numëron 366 ndeshje dhe 126 gola. Ai me ‘Djajtë e Kuq; është shpallur plotë 6 herë kampion i Anglisë, dy herë kishte fituar Kupën e Anglisë, dy herë SuperKupën e Anglisë, një herë Ligën e Kampionëve dhe një herë Kupën e Botës për Klube.
