Vera është koha e tatuazheve, shkruan mediumi zviceran “Blick”. Çdo i pesti i zviceran e ka një tatuazh. Madje, një gjë të tillë e bëjnë edhe figurat publike.
“Blick” shkruan për disa prej personave më të njohur në Zvicër që kanë tatuazhe, e në mesin e tyre është edhe Valon Behrami.
Pak para Kupës së Botës të vitit 2018 ai e bëri një portret të tij dhe të vajzave të tij, Isbael dhe Sofia. Ai e ka një edhe kristal të borës me të cilin shfaq dashurinë për Lara Gut.
Ai i përshkruan tatuazhet si një kryevepër të jetës së tij.
Telat me gjemba, plumbat dhe shtëpitë e bombarduara janë të vizatuara në trupin e tij.
Këto ia kujtojnë fëmijërinë e vështirë, udhëtimin drejt Zvicrës dhe periudhën pas këtyre ngjarjeve.
