Ndeshja e javës së 28-të në Premierligë midis Mançester Sitit dhe Arsenalit edhe zyrtarisht është anuluar. Ka qenë klubi i Arsenalit, që ka dalë me një komunikatë ku zbulon edhe arsyen e shtyrjes së kësaj përballje, që pritej të ishte mjaft interesante.
Shkak është bërë Evangelos Marinakis, presidenti i Olympiakos, i cili ka rezultuar pozitiv me Covid-19.
Arsenali 13 ditë më parë u përball me gjigantin grek dhe një pjesë e lojtarëve të skuadrës angleze kanë pasur kontakte me të.
Edhe pse thuhet se rreziku është i vogël për lojtarët e tyre, është parë e udhës që kjo ndeshje të mos luhet. Kështu nuk rrezikohet ndonjë lojtar tjetër nëse ndokush e ka marrë Koronavirusin.
Klubi Arsenalit bën me dije se po ndjekin udhëzimet e qeverisë, që rekomandon që kushdo që ka pasur kontakt me dikë që ka marrë virusin, duhet të qëndrojë në shtëpi për 14 ditë.
Kështu, Premierliga e ka parë të arsyeshme që të anulojë ndeshjen midis dy skuadrave gjigande, Mançester Sitit dhe Arsenalit, që duheshe të zhvillohet sonte.
The Premier League have postponed our match with Manchester City on Wednesday night as a precautionary measure.https://t.co/qTX1QiXjZv
— Arsenal (@Arsenal) March 11, 2020
