Verder Bremeni i Milot Rashicës siguroi qëndrimin në Budesligë edhe për një tjetër sezon. Skuadra gjermane barazoi 2:2 në fushën e Heidenheim mbrëmjen e djeshme dhe siguroi kështu të drejtën e elitës gjermane edhe për sezonin e ardhshëm, duke qenë se takimi i parë përfundoi me shifra të barabarta 0:0.
Padyshim që në ekipin e Rashicës nuk mund të mungonte festa, por gëzimi i tyre u prish disi nga reagimi i tifozëve.
@bpol_bw Video Angriff #Werder-Bus durch #Heidenheim Idioten wurde mir über eine WhatsApp-Gruppe weitergeleitet. Vielleicht nützt es Ihnen zur Verfolgung und Identifizierung der Täter. #FCHSVW #Relegation2020 #FCH #HDH pic.twitter.com/jNnlgkHbeX
— Bertento (@bertento) July 7, 2020
Sipas asaj që raporton “BILD”, rreth 150 mbështetës të Heidenheim ishin të pranishëm jashtë stadiumit dhe nuk e kanë kapërdirë dot festën e miqve duke sulmuar autobusin e tyre me gurë apo shishe, duke iu shkaktuar edhe dëme në automjet. Ka qenë policia ajo që ka shoqëruar më pas Rashicën dhe shokët e tij të skuadrës drejt largimit.
Ndërkohë e qetë nuk paraqitej situata as në Bremen. Rreth 700 tifozë ishin grumbulluar dhe fillimisht ishte festa ajo që mbizotëronte për ta, por që shumë shpejt do i linte vendin kaosit. Shishe, sende piroteknike apo edhe flakadanë janë hedhur prej tyre, si dhe ka pasur përpjekje për të çarë murin policor. Shkak për këtë u bë ndalimi i lojërave në seksionin Sielëall.
