Tifozët e Barcelonës gjatë ditës së sotme kishin mbetur të shqetësuar pas njoftimit të klubit “katalunas” se një prej lojtarëve të tyre ishte infektuar me COVID-19. Futbollisti i infektuar është Zhan Kler Todibo, mbrojtësi i huazuar te Shalke 04.
Ai ka qenë i dëmtuar dhe nuk është stërvitur me skuadrën. Kështu nuk ka pasur asnjë kontakt dhe “katalunasit” kanë fluturuar të qetë drejt Portugalisë.
Gëzon fakti se edhe gjendja e Todibos është stabile dhe e mirë, ndërsa një gjë të tillë ka bërë të ditur edhe vetë mbrojtësi 20-vjeçar, përmes rrjeteve sociale:
“Përshëndetje të gjithëve! Doja t’ju informoja se kam dalë pozitiv në testin për COVID-19, por jam asimpomatik dhe ndihem mirë. Jam në shtëpi, duke ndjekur udhëzimet e protokollit shëndetësor. Mezi pres të kthehem në stërvitje, por për momentin duhet të qëndroj në shtëpi dhe të shërohem nga ky virus. Faleminderit të gjithëve për mbështetjen dhe inkurajimin”.
Hola a todos, os informo que he dado positivo por covid-19, soy asintomático y me encuentro bien. Estoy en casa siguiendo el protocolo sanitario adecuado. Tengo muchas ganas de volver a los entrenamientos, pero ahora toca quedarse en casa hasta pasar el virus. 1/2 pic.twitter.com/6nqtlDf8ZZ
— Jean-Clair Todibo (@jctodibo) August 12, 2020
