Takimi i sontëm midis dy skuadrave londineze Totenhamit dhe Çelzit në kuadër të “EFL Cup”, ka sjellë edhe disa momente jo të mira, e ku në qendër të vëmendjes ishin profesori, Murinjo dhe nxënësi,Frank Lampard.
Zhvillohej minuta e 28-të e ndeshjes kur Jose Mourinho u afrua fillimisht te gjyqtari i katërt për t’u ankuar për homologun e tij tashmë Lampard, ndërkohë ky i fundit nuk përtoi t’ia kthente.
Në mes hyri edhe gjyqtari i katërt, i cili u mundua t’i qetësonte dy trajnerët, por tashmë konflikti kishte nisur.
Old friends Lampard and Mourinho are exchanging a few words on the touchline here at the Tottenham Hotspur Stadium.
Watch live now on Sky Sports Football 📺
Follow online here: https://t.co/dx2azGi4yc pic.twitter.com/R3zc8gLMtE— Sky Sports Football (@SkyFootball) September 29, 2020
Kamerat e “Sky Sport” kanë kapur këtë përleshje në distancë ndërmjet dy trajnerëve, derisa i kanë dhënë jehonë përplasjes, duke ditur se Mou dhe Lampard kanë një miqësi të mirë. Megjithatë si duket në ato momente që të dy kishin harruar miqësinë, sidomos nga ana e Murinjos, skuadra e të cilit në ato momente ndodhej në disavantazh, pas golit të shënuar nga Timor Verner në minutën e 19-të.
Ndryshe në fund ishte profesori ai që buzëqeshi, pasi skuadra e tij, Totenhami fillimisht barazoi me anë të Erik Lamelas në kohën e rregullt, që më pas të triumfojë përmes ruletit të penaltive.
