Momenti qesharak nga derbi londinez, Daer në mes të ndeshjes shkon në tualet, Murinjo nuk e len rehat shkon e thërret! (VIDEO)

Hoze Murinjo ka qenë në qendër të vëmendjes në takimin e sontëm midis Totenhamit të tij dhe Çelzit, e vlefshme për ndeshjet e “EFL Cup”, njofton “infOSport.mk” .

Ndeshja nisi më mirë për Çelzin që avansoi me golin e Timo Verner në minutën e 19-të. Mirëpo edhe përkundër këtij fakti, Frank Lampard vazhdoi të jetë i zhurmshëm nga vendi i tij pranë bankinës së Çelzit, ndërsa kjo gjë kishte bezdisur ish trajnerin e tij, Hoze Murinjo, i cili u përfshi në një debat me ish-lojtarin e tij.

Mirëpo ky nuk ishte momenti i vetëm me të cilin Murinjo morri vëmendjen e kamerave të pranishme në stadium, pasi portugezi gjatë pjesës së dytë u përfshi edhe në një incident tjetër edhe më të çuditshëm.

Mbrojtësi i tij, Erik Daer në mes të lojës në mënyrë të çuditshme vrapoi drejt tunelit, ndërsa i frikësuar që skuadra e tij mund të pësonte gol në një nga aksionet e Çelzit, edhe vetë Murinjo u drejtua drejt dhomave të xhveshjes që ta thërras lojtarin e tij që të kthehet në lojë.

Në ato momente të gjithë ishin në panikë, se çfarë po ndodhte, mirëpo shumë shpejtë u kuptua se Daer thjesht kishte nevojë për në tualet.

Leave a Reply