Federata e Basketbollit e Maqedonisë ka vendosur për fillimin e sezonit të ri. Pas reagimeve dhe thirrjeve nga shoqatat e basketbollistëve dhe klubeve, federata e udhëhequr nga Pero Antiq ka paralajmëruar raundin e parë të sezonit të ri në Ligën e Parë të Maqedonisë.
Federata e Basketbollit vendor vendosi që sezoni i ri të startojë me 31 tetor, mirëpo duke paralajmëruar klubet dhe lojtarët, se të gjithë do të duhet të respektojnë masat e sigurisë të propozuara nga autoritetet kompetente.
Lojtarët dhe anëtarët e klubit do jenë të detyruar të nënshkruajnë marrëveshje të pajtueshmërisë së protokollit.
