UEFA edhe njëherë tjetër është treguar e ashpër ndaj racizmit, teksa pezulloi Ondrej Kudela, futbollistin e Slavia Pragës me plotë 10 ndeshje.
Faktet datojnë që në ndeshjen e Liga Europës më 18 mars, kur Slavia Praga po përballej me ekipin skocez të Gllazgou Renxhers.
Sipas Trupit Disiplinor, Etik dhe Kontrollit të Uefa-s, Kudela dyshohet se mbajti sjellje raciste ndaj Glen Kamara, një mesfushor me origjinë nga Sierra Leone, por i lindur në Tampere në Finlandë dhe një shtetas finlandez.
Vendimi doli nga raporti i gjyqtarit por edhe Kamara u pezullua gjithashtu për tre raunde nga Uefa “për sulmin ndaj një lojtari tjetër”.
