Struga Trim Lum pas pak në stadiumin e qytetit të Strugës do të luaj me Skopjen ndeshjen e xhiros së 6-të në Ligën e Parë, njofton “infOSport.mk”.
Bazuar në renditjen momentale, Struga Trim Lum llogaritet si favorite, edhe pse duhet pranuar se edhe Skopje nuk është një skuadër naive, por përkundrazi, një skuadër mjaft mirë e organizuar dhe që luan një futboll shumë agresiv.
Trajneri i ekipit strugan tashmë ka vendosur edhe për 11 emrat që do zbresin në fushë, duke zgjedhur të luaj me skemën 3-4-3.
Në portë është Davor Taleski, ndërsa para tij do të veprojë treshja Cake, Pere dhe Mecinoviq.
Në mesfushë nga krahët do të manevrojnë Jahja dhe Koçoski, derisa në qendër dyshja Bojku – Bosançiç.
Futbollistë më i avansuar në vijën e sulmit do të jetë Emir Skenderi, i cili do të ndihmohet nga krahët nga Fiton Ademi dhe Bunjamin Shabani.
Ndeshja Struga Trim Lum – Skopje starton në ora 16:00. (infOSport.mk)
