Ali Soue me dy super gola shpëton Skënderbeun nga disfata ndaj Kukësit

Në Superligën shqiptare sot në program ishin ndeshjet e javës së 22-të, ku spikati derbi ndeshja midis kamiponëve në fuqi të Kukësit dhe liderit aktual, Skënderbeut, njofton “infOSport.mk”.

Skuadra korçare edhe pse me shumë mungesa, e shmangu humbjen në ndeshjen në transfertë ndaj Kukësit, që arriti të shënojë dy herë që në pjesën e parë të takimit me Kale dhe Shkodrën.

Dhe kur u mendua se Kukësi do ti gëzohet tre pikëshit në këtë ndeshje, ashtu nuk mendoi edhe sulmuesi i Skënderbeut, Ali Soue, i cili në një interval kohor prej 6 minutash (63’, 69’) shënoi dy gola për barazim të rezultatit në 2:2, që njëherit doli të jetë edhe reuzltati përfundimtarë i këtij takimi.

GOLEADA E PARTIZANIT NDAJ LUSHNJËS, KU SHËNUAN EDHE BELICA DHE RAMADANI (VIDEO)

Në këtë mënyrë Skënderbeu mban pozitën e parë me një diferencë prej plotë 14 pikësh ndaj Kukësit dhe Flamurtarit, skuadra këto që kanë nga 36 pikë në pozitat dy dhe tre, mirëpo duhet cekur se vlonjatët ndeshjen e tyre të javës së 22-të e zhvillojnë gjatë ditës së nesërme si vendas përballë Luftëtarit nga Gjirokastra, transmeton “infOSport.mk”.

Laçit i ka mjaftuar goli i Uzunit në minutën e 44-të për të mundur Vllazninë, skuadër kjo e cila nuk humbiste tre ndeshje me rradhë, teksa një fitore me shumë peshë arriti Teuta e Amir Aliut në transfertën ndaj Kamzës së Demir Imerit.

Skuadra durrësake shënoi fitore 1:2, falë golave të shënuar nga Beqja (15’) dhe Latif (78’), teksa golin e vetëm për kamzalinjtë e realizoi Raçiç nga pika e bardhë në minutat shtesë të takimit.