Shkëndija edhe në ndeshjen e dytë të këtij sezoni nuk ka mundur Akademia Pandevin, njofton ‘infOSport.mk’. Pas barazimit pa gola në ndeshjen e parë të zhvilluar në Strumicë, sot skuadra kampione në fuqi u mund në Tetovë me rezultatin minimal 1:0. Autorë i golit të vetëm për skuadrën mysafire ishte Mario Krstovski në minutën e 26-të.
FC Shkupi dhe Renova në Çair u ndanë me barazimin 1:1. Mysafirët nga Tetova avansuan gjatë pjesës së parë me anë të Bashkim Veliut, teksa golin e barazimit ‘bardhekaltërit’ e gjetën në pjesën e dytë me anë të Kristijan Stojkoskit.
Me barazim 1:1 u mbyll edhe ndeshja në Gjorçe Petrov midis Makedonija GJ.P dhe Sileksit, ndërkohë fitore pa shumë probleme shënuan Vardari dhe Rabotniçki.
Nënkampionët e vendit në stadiumin në Maxhari mundën Pobedën me rezultatin 3:0, ku një ndër golat realizoi Besar Iseni, ndërkohë Rabotniçki në Strumicë vazhdoi krizën e Bellasicës, duke mundur këta të fundit me rezultatin 1:2.
| LPFM, Java XVII | ||
| Bellasica | 1 : 2 | Rabotniçki |
| Makedonija GJ.P | 1 : 1 | Sileksi |
| Shkëndija | 0 : 1 | A. Pandev |
| Shkupi | 1 : 1 | Renova |
| Vardari | 3 : 0 | Pobeda |
