Mikel Arteta edhe zyrtarisht është trajneri i ri i Arsenalit. Spanjolli, që deri dje ishte ndihmës i Pep Guardiolas te Mançester Siti, rikthehet tek “topçinjtë”, pjesë e të cilëve ishte nga viti 2011-të, deri në vitin 2016-të.
Kontrata e tij me skuadrën londineze është për 3 vite e gjysmë, shkruan “infOSport.mk”.
37-vjeçari Arteta me Arsenalin kishte fituar dy herë trofeun e FA Kupës, ndërsa gjithashtu brenda qëndrimit të tij 5-vjeçar ishte kurorëzuar edhe me trofeun e “Komjuniti Shild” (Super Kupa e Anglisë).
Brenda kësaj periudhe spanjolli me fanellën e Arsenalit, kishte regjistruar 150 paraqitje.
Welcome back, Mikel! 👋
Head coach of The Arsenal 👔 pic.twitter.com/lhsAfQ7cfq
— Arsenal (@Arsenal) December 20, 2019
Drejtuesit e Arsenalit kishin nisur bisedime intenzive me Artetan menjëherë pas disfatës ndaj Mançester Sitit fundjavën e kaluar.
Pasi spanjolli kishte dhënë pëlqimin e tij për të marrë drejtimin e “topçinjëve”, atëherë bisedimet kaluan në nivel klubesh, për tu marrë vesh rreth kompenzimit për shkak ndërprerjes së kontratës së Artetas me “qytetarët”.
Sipas mediave angleze, Arsenali i ka paguar Mançester Sitit një shumë prej 2 milion sterlina.
Ndryshe vlen të theksohet se Arteta është trajneri i 20-të në historinë e Arsenalit, e k pa dyshim më jetëgjati ishte francezi, Arsen Venger.
🥁 Introducing our new head coach…
Mikel Arteta ✍️ pic.twitter.com/PTmElGDMR3
— Arsenal (@Arsenal) December 20, 2019
