Pagat e Serie A janë zvogëluar për 72 milionë euro për dallim nga sezoni i kaluar, ndërsa Juventusi mbetet klubi që paguan më së shumti brenda një sezoni, i pasuar nga Interi, Roma, Napoli dhe Milani.
E përditshmja “Gazzetta dello Sport” së fundmi ka publikuar disa statistika të ndryshme të pagave për çdo klub të Serie A, por edhe futbollistëve.
E kur janë në pyetje futbollistët shqiptarë që janë pjesë e elitës së futbollit italian, më i paguari rezulton të jetë sulmuesi nga Prizreni i Kosovës, Vedat Muriqi, i cili gjatë kësaj merkatoje nga rradhët e Fenerbahçes u transferua te Lacio.
Muriqi ka një pagë vjetore prej 2.2 milionë euro, ndërsa pas tij ndodhen dy futbollistët mbrojtës, njëri nga Kosova, e tjetri nga Shqipëria, Amir Rrahmani dhe Marash Kumbulla.
Kapiteni i përfaqësueses së Kosovës te Napoli ka një pagë sezonale prej 1.8 milion euro, po aq sa merrë edhe Kumbulla te Roma.
TOP 5 e futbollistëve më të paguar shqiptarë në “Serie A” e mbyllin Elseid Hysaj me një pagë vjetore prej 1.6 milion euro te Napoli dhe gardiani, ThomasStrakosha që paguhet 1.2 milion euro në vit te Lacio.
| Më poshtë keni listën e futbollistëve shqiptarë me pagat më të larta në “Serie A”: |
| Vedat Muriqi (Lacio) 2.2 mln euro |
| Marash Kumbulla (Roma) 1.8 mln euro |
| Amir Rrahmani (Napoli) 1.8 mln euro |
| Elseid Hysaj (Napoli) 1.6 mln euro |
| Thomas Strakosha (Lacio) 1.2 mln euro |
| Berat Gjimshiti (Atalanta) 800 mije euro |
| Mërgim Vojvoda (Torino) 700 mijë euro |
| Ardian Ismajli (Specia) 600 mije euro |
| Samir Ujkani (Torino) 300 mijë euro. |
