Barcelona mbrëmë shënoi një fitore shumë të rëndësishme përballë Betisit në “Benito Vijamarin”, mirëpo menjëherë pas këtij takimi “katalunasit” morrën një lajm jo të mirë, teksa u konfirmua lëndimi i qendërmbrojtësit Ronald Araujo.
Ky i fundit pësoi lëndim që në fillimin e ndeshjes, andaj iu dëtyrua të largohet nga fusha.
Lajmin për lëndimin e Araujo e konfirmuan edhe nga skuadra “katalunase”, që zbuluan se mbrojtësi i tyre ka lënduar kyçin e këmbës dhe se gjatë ditëssë sotme i njëjti do të duhet të ju nënshtrohet disa testeve mjekësore.
INJURY UPDATE | @RonaldAraujo939 has a left ankle sprain. He will undergo further testing tomorrow to find out the exact extent of the injury. pic.twitter.com/KQYpASLUcn
— FC Barcelona (@FCBarcelona) February 7, 2021
“Ronald Araujo ka probleme në kyçin e këmbës. Ai do bëjë disa testime nesër për të mësuar problemin e lëndimit”, thuhet në komunikatë.
Edhe pse ende nuk dihet shkalla e dëmtimit të tij, nga tabori i Barcelonës shpresojnë që gjithçka të kalojë mirë dhe i njëjti të jetë gati për ndeshjen e Ligës së Kampionëve kundër Paris Sen Zhermenit, ndeshje kjo që në program është me datë 16 shkurt.
Ndërkohë me siguri se i njëjti do të mungojë për ndeshjen e Kupës kundër Seviljës me 10 shkurt, derisa mund të mos luaj edhe përballë Alavesit në kampionat (13 shkurt).
