Zlatan Ibrahimoviç nuk ka ndërmend të ndalet. Sulmuesi suedez u aktivizua në pjesën e dytë të ndeshjes së djeshme ndaj Lacios, në të cilën Milani i tij siguroi fitoren vetëm në minutat shtesë të takimit.
Ibra ishte protagonist duke iu afruar golit dhe më pas në minutat shtesë dha pasimin kyç për golin e fitores, shënuar nga Tonali.
Asisti e fut Zlatan në historinë e Serie A, pasi është lojtarë më i vjetër që e bën diçka të tillë, në moshën 40 vjeç, 6 muaj e 21 ditë.
Rekordi i mëparshëm mbahej nga një legjendë e futbollit italian, Françesko Totti.
Ish kapiteni legjendar i Romës kishte shërbyer për Nainggolan në shkurt të vitit 2019 në një ndeshje kundër Torinos, që kishte përfunduar me shifrat 4:1 në favor të “Ujkeshës Romake”.
