Dhuna me bazë gjinore në sport është një fenomen pak i hulumtuar dhe jo mjaftueshëm i dukshëm. Sipas sportistëve, dhunën ata më shpesh e përjetojnë nga publiku ose tifozët.
52% e të anketuarve thanë se dhuna në sport është një dukuri e rrallë, ndërsa 10% thanë se nuk ekziston fare.
13% e gjinisë femërore që kanë përjetuar ndonjë formë dhune në sport e kanë paraqitur atë.
Ndryshe, 83% e gjinisë mashkullore në sport mbajnë pozicione drejtuese, ndërsa 17% nga gjinia femërore.
“Unë dhe bashkëpunëtorët e mi do të përpiqemi të japim edhe një aspekt të ri në këtë projekt, që besoj që shumë shpejtë do të marrë vendin e saj dhe kjo është t’i shfrytëzojmë sportistët si njerëz, shokë në shoqëri të japin mesazh se kjo që po e përjetojmë aktualisht dhunë rudimentare, vrasje, femicid është absolutisht e palejueshme.”, – deklaroi kryetari i Komitetit Olimpik, Daniel Dimevski.
“Situatat nga shqetësimet dhe dhuna më së shumti vijnë nga tifozët, gjegjësisht nga publiku 52 për qind. Në një pjesë më të vogël të situatave, ato erdhën nga një shok skuadre ose një anëtar tjetër i klubit, pastaj nga një trajner. Rekomandimet tona për zgjidhjen e këtij problemi janë kushtëzimi i financimit shtetëror të federatave sportive, federatat mund të angazhohen ose të detyrohen të vendosin kuota për barazinë gjinore, mund të detyrohen të krijojnë mekanizma specifikë që do të kishin rregullore se si do të përpunohen aplikimet dhe ato do të ishin të disponueshme publikisht dhe të njohura nga të gjithë sportistët.”, – theksoi Aleksandra Savevska nga Qendra Maqedonase për Bashkëpunim Ndërkombëtar.
Vetëm një e treta e klubeve sportive kanë zbatuar mekanizma për të mbrojtur nga ngacmimi dhe dhuna.
Njerëzit që punuan në këtë hulumtim shpresojnë që të dhënat do të përfshihen dhe do të përdoren për të krijuar politika në mënyrë që të ketë një lojë të drejtë.
