FC Shkupi që me shumë gjasa për herë të parë me këtë emër do të luaj në ndeshjet në Europë, që tani është duke menduar për përforcimin e skuadrës, me qëllim që sa më denjësisht të prezantohet në ndeshjet eliminatore të Liga Europa.
Sipas asaj që shkruan “ekipa.mk”, drejtuesit e Shkupit kanë bërë kontaktet e para me sulmuesin e Vardarit, Dejan Bllazhevski, i cili si duket nuk do të mund të refuzojë një ofertë të majme që i kanë ofruar nga tabori i “bardhekaltërve”. Bllazhevski me Vardarin ka kontratë deri me 30 qershor të këtij viti, ndërsa përveç Shkupit, interesim për shërbimet e tij ka shfaqur edhe Bellasica, një skuadër kjo që vitin tjetër do të garojë në Ligën e Parë Futbollistike të Maqedonisë.
Ndërkohë “infOSport.mk” jo zyrtarisht mëson se drejtuesit e FC Shkupit nga Vardari dëshirojnë të marrin edhe armenin Tigran Barsegian për shërbimet e të cilit interesohen edhe disa skuadra tjera europiane.
Rikujtojmë Barsegian është edhe pjesë e Kombëtares së Armenisë, ndërsa duke pasur parasysh cilësitë që posedon ky futbollistë dhe eksperiencën që ka në ndeshjet ndërkombëtare, pa dyshim se do të ishte një përforcim i duhur për ndeshjet e FC Shkupit në arenën ndërkombëtare
