Përfaqësuesja e Zvicrës me plot meritë ka arritur në mesin e 16 skuadrave më të mira në Kampionatin Botëror Rusia 2018. “Helvetikët” në 1/8 e finales do të përballen me Suedinë, ndërsa në mungesë të kapitenit Stefan Lishtajner, shiritin do e mbajë futbollisti shqiptarë, Valon Behrami, njofton “infOSport.mk”.
Për futbollistin nga Mitrovica do të jetë kjo hera e parë që do e mbajë shiritin e kapitenit në një kampionat botëror. Në një intervistë për televizionin shtetëror, Behrami ka thënë se është nder për të që do të mbajë shiritin.
#SWE #SUI Valon Behrami sarà capitano rossocrociato contro la Svezia. "Sarò ancora più fiero ed orgoglioso di vestire questa maglia". @ValonBera @SFV_ASF @FIFAWorldCup #WorldCup https://t.co/mVcTvv7o2l pic.twitter.com/5355QD6OGJ
— Sport RSI (@RSIsport) June 29, 2018
“Është një nder që me jepet mundësia të mbaj shiritin e kapitenit në një Kupë Bote, një shtysë për të dhënë edhe më shumë në fushë. Jam krenar që mbaj të veshur këtë fanellë”, – është shprehur Behrami.
Behrami edhe në të kaluarën ka mbajtur shiritin e kapitenit në ndeshje të caktuara, njëjtë sikurse edhe Xherdan Shaqiri dhe Granit Xhaka.
Ndeshja Zvicër-Suedi zhvillohet të martën me fillim nga ora 16:00.
