Video e Kristiano Ronaldos, që qëndron afër vijave kufizuese të fushës për të parë VAR-in…
Juventusi të shtunën në mbrëmje mundi Romën minimalisht 1:0, në një ndeshje ku e dominoi lojën në tërësi.
Madje ‘Zonja e Vjetër’ në sekondat e fundit shënoi edhe golin e dytë me anë të brazilianit Daglas Kosta, mirëpo pas ndërhyrjes së VAR-it, i njëjti u anulua për shkak të një goditje dënimi gjatë aksionit, në të cilin Kristiano Ronaldo luante rolin e asistuesit.
Ronaldo – VAR on Vidnews.
Arbitri Masa e akordoi të rregullt golin, por më pas u thirr për të parë pamjet, ku verifikoi se ishte shkaktuar më parë një ndërhyrje e palejuar.
Por, një video e Kristiano Ronaldos, që qëndron afër vijave kufizuese të fushës për të parë VAR-in, teksa edhe arbitri Masa po e verifikonte vetë, po bën xhiron e rrjeteve sociale.
Portugezi qëndron i palëvizur, duke parë shumë i përqendruar pamjet nga monitori i vogël, edhe pse në një moment arbitri i katërt i bën me shenjë që të largohet, pasi nuk ka të drejtë të qëndroj aq afër dhe se me një gjë të tillë duhet të merret arbitri dhe jo vetë ai.
