FC Shkupi ka bërë një lëshim të madh në garën për titull, pasi sot para tifozëve të vetë pësoi nga rivali lokal, Skopje me rezultatin 1:0. Për më tepër këtë disfatë skuadrës kampione i’a shkaktoi ish futbollisti i saj, Anid Abazi, skruan “infOSport.mk”.
Disfatën e skuadrës nga Çairi e shfrytëzoi në maksimum Shkëndija, që në Tetovë mundi Pobedën me shifrat 2:0, derisa FC Struga Trim Lum falë një pjese të parë fantastike, me shifrat 3:1 mundi Akademia Pandevin.
Tre golat e fitores struganët i realizuan në një interval kohor prej vetëm 8 minutash, kjo falë dopietës së Besart Ibraimit dhe një goli tjetër të shënuar nga shkupjani, Suhel Muharemi.
Ndeshja e zhvilluar në Shtip midis Bregallnicës dhe Tikveshit, nuk prodhoi gola, edhe përkundër faktit se vendasit 10 minutat e fundit të takimit i zhvilluan me një lojtar më shumë.
Kujtojmë, dje Makedonija GJ.P në derbin lokal të kryeqytetit, mundi Rabotniçkin me shifrat 2:1. I lirë këto xhiro ishte Sileksi. (infOSport.mk)
|
LPFMV – Java 25 |
||||||||||||||||||
|
||||||||||||||||||
