Derbi i javës së 12-të në Ligën e Dytë Perëndim midis Gostivarit dhe Struga Trim Lum i ka takuar skuadrës vendase, njofton “infOSport.mk”. Të besuarit e trajnerit Mensur Jakupi shënuan fitore minimal 1:0 ndaj skuadrës strugane, e cila në këtë mënyrë pësoi edhe disfatën e dytë gjatë këtij edicioni.
Golin e vetëm të takimit që në fund i siguroi tre pikë mjaft të mëdha skuadrës së Gostivarit e realizoi Ilirid Ademi në minutën e 57-të, kur falë një gabimi të mbrojtjes mysafire nga afërsia i papenguar nga askush shënoi golin e fitores.
EuroMilku mundi Teteksin me rezultatin 3:1, Lokomotiva e Shkupit realizoi një fitore të pastërt 3:0 ndaj skuadrës së fundit në tabelë, Novacit, teksa Labunishta dhe Makedonija Gjorçe Petrovi u ndanë në barazim 1:1.
Një fitore me shumë vlera këtë javë realizoi edhe Vëllazërimi në derbin lokal të Kërçovës ndaj Zajazit.
LFDM – Perëndim, Java XII |
||
Euromilku | 3 – 1 | Teteksi |
KF Gostivari | 1 – 0 | Struga Trim & Lum |
Labunishta | 1 – 1 | Makedonija Gj.P |
Lokomotiva | 3 – 0 | Novaci |
Zajazi | 1 – 2 | Vëllazërimi |