Monako nuk gabon në sfidën e shtëpisë me Bordon të cilën e mposhti 2-1 me përmbysje duke krijuar një distancë sigurie prej 5 pikësh me vendin e tretë, që mbahet nga Olimpik Marseja. Skuadra nga Principata, edhe pse e nisi keq ndeshjen dhe u gjend në disavantazh në minutën e 32-të pas golit të Vadas, arriti të barazonte shifrat në fund të pjesës së parë me Stevan Jovetic, pas asistit të marrë nga Lemar, ndërsa në pjesën e dytë gjeti edhe golin e fitores me Rony Lopes.
Monako shpreson që Marseja të dështojë për të marrë maksimumin e pikëve ndaj Nantes, që të mos i kërcënohet vendi i dytë, që e çon në fazën e grupeve të Çampionsit.
