Janë mbyllur ndeshjet e javës së 31-të në elitën e futbollit vendor, ku bie në sy disfata e Shkëndijës në transfertën ndaj Pobedës në Strumicë, njofton “infOSport.mk”.
Të besuarit e trajnerit Qatip Osmani u mposhtën 2:1 në stadiumin “Mladost” në Strumicë, aty ku me 23 maj do të zhvillojnë edhe finalen e madhe të Kupës së Maqedonisë kundër Pelisterit.
Për dallim nga Shkëndija, Renova falë golave të shënuar nga Mishkovski dhe Nafiu gjatë pjesës së dytë me rezultatin 2:1 mundi Akademia Pandevin, duke ringjallur shpresat për një vend në Europë, teksa derbi ndeshja e kësaj jave midis Rabotniçkit dhe FC Shkupit u mbyll me barazimin 1:1.
Skopje në ndeshjen për mbijetesë bindshëm me rezultatin 4:0 mundi Pelisterin, ndërkohë në ndeshjen mes dy ish kampionëve të vendit në Kratovë, Vardari me rezultatin 0:2 mundi Sileksin.
Shkëndija, tashmë kampion i ri i vendit me 76 pikë mban pozitë e parë, teksa Vardari falë fitores ndaj Sileksit sikur dëshironte të konfirmonte pozitën e dytë. “Kuqezinjtë” nga Shkupi kanë 52 pikë, 7 më shumë se Sileksi i vendit të tretë, teksa Rabotniçki me 42 pikë mbetet në pozitën e katërt, mirëpo tashmë me vetëm dy pikë më shumë se Renova që ka 40 pikë.
Shkupi me 37 pikë, mirëpo edhe me një ndeshje më pak renditet në pozitën e 6-të, Akademia Pandev me vetëm një pikë më pak mban pozitën e 7-të, duke lënë pas vetes Pobedën, që me 32 pikë është e sigurtë në pozitën e 8-të për momentin, ndërkohë pas një kohe të gjatë Skopje i lëshon pozitën e fundit Pelisterit. Që të dyja këto skuadra kanë nga 28 pikë, mirëpo gol-averazhi më i mirë që skuadra shkupjane të renditet në pozitën e 9-të.
LPFM, Java XXXI | ||
Skopje | 4 : 0 | Pelisteri |
Pobeda | 2 : 1 | Shkëndija |
Rabotniçki | 1 : 1 | Shkupi |
Renova | 2 : 1 | A. Pandev |
Sileksi | 0 : 2 | Vardari |