Bajer Leverkuseni dhe Borusia Menhengladbahu sot zhvilluan një ndeshje spektakolare me 7 gola në “BayArena”.
Në fund ishin “aspirinat” që shënuan fitore me rezultatin 4:3 dhe që morrën 3 të reja, me të cilat tashmë ndajnë pozitën e 3-të me Dortmundin, që të dyja skuadrat me nga 15 pikë.
Dy herë kaluan miqtë në avantazh me anë të kapitenit Stindl në pjesën e parë, por vendasit ia dolën të përmbysin gjithçka falë golave të shënuar nga Alario (27’, 41’), Bailey (68’) dhe Baumgartlinger (82’).
Në minutat shtesë erdhi edhe goli i tretë i Gladbahut, me autorë Lazaro. Austriaku i ri shënoi një eurogol të vërtetë, duke dërguar topin në rrjetë në versionin “alla-Ibrahimoviç”. Ky gol fitoi duartrokitjet e të gjithëve për mënyrën e realizimit nga ana e ish futbollistit të Interit.
VALENTINO LAZARO pic.twitter.com/QaDuJ1oLAe
— 𝒟𝒾𝑒𝓊 𝓂𝑒𝓇𝒸𝒾 (@TARlQLAMPTEY) November 8, 2020
