Futsal Shkupi sonte do të zhvillojë ndeshjen e parë të sezonit të ri në Ligën e Kampionëve. Në raundin parakualifikues të kompeticionit më të rëndësishëm europian, skuadra kampione e vendit tonë sot në Shkup do të mirëpret kampionët e Irlandës, Blu Mexhik FC Dublin, njofton “infOSport.mk”.
Ndeshja do të zhvillohet në palestrën “Boris Trajkovski” me fillim në ora 19:45, ndërsa të njëjtën do të mund ta ndiqni në transmetim të drejtëpërdrejtë në ekrant e TV Alsat-M.
