Interi këtë edicion bëri shumë mirë në Serie A, ku është shumë pranë titullit kampion, megjithatë fundi i sezonit pritet të sjellë një revolucion të vërtetë tek “zikaltërit”, e Antonio Konte.
Siç raporton “Gazzetta dello Sport”, tek Interi tashmë janë 6 futbollistë që kanë bërë valixhet gati për tu larguar këtë verë.
Bëhet fjalë për futbollistë si: Aleksandar Kolarov, Eshli Jang, Andrea Ranokia, Raxha Naingolan, Arturo Vidal dhe Aleksis Sançez, të cilët pritet të largohen nga “Xhuzepe Meaca”, për shkak të moshës së shtyer.
Një arsye tjetër dhe ndoshta edhe kryesorja është paga e lartë e tyre e cila është e papërballueshme dhe jo e logjikshme për tu paguar edhe për një sezon tjetër.
