Pas pak në Bukuresht të Rumanisë, Maqedonia e Veriut do të zhvillojë edhe ndeshjen e dytë në kuadër të grupit C, njofton “infOSport.mk”.
Kundërshtarë i ekipit tonë përfaqësues është Ukraina e Andrij Shevçenkos, një emër i njohur ky i futbollit europian.
Si Shevçenko, ashtu edhe Angellovski tashmë kanë zbuluar emrat e futbollistëve të formacionit të parë, që do bartin mbi super ngarkesën e këtij takimi shumë të vlefshëm për të dyja skuadrat, duke pasur parasysh se kishin humbur në ndeshjet e xhiros së parë.
Angellovski për ndeshjen e sotme ka vendosur të bëjë vetëm një ndryshim në mesin e titullarëve, edhe atë duke ulur në bankinë Aleksandar Trajkovskin, ndërsa vendin e tij në repartin ofenziv do ta zë Elif Elmas. Ky i fundit në mesfushë do të zëvendësohet nga Spirovski.
Ndeshja Ukrainë-Maqedoni e Veriut starton në ora 15:00. (infOSport.mk)
