Broja vendos rekord në historinë e Sauthemptonit (VIDEO)

Armando Broja futet në historinë e skuadrës së Sauthemptonit në Premierligë. Sulmuesit të Kombëtares shqiptare iu deshën pak më shumë se 50 minuta në fushë që të dërgonte topin në rrjetë dhe kjo bëri që ai të vendoste një rekord të ri në kampionat.

Në klubin e Sauthempton, emri i tij nuk do të harrohet për një kohë të gjatë pasi sipas “OPTA”, në moshën 20 vjeç e 36 ditë, Armando Broja u bë lojtari më i ri i këtij klubi i cili shënonte gol në Premierligë në ndeshjen e debutimit si titullar.

Një statistikë domethënëse duke llogaritur se Sauthempton është një skuadër që ka qenë shpesh mes ekipeve të Premierligës dhe ka pasur në përbërje emra të cilët më pas janë bërë shumë të njohur në arenën ndërkombëtare.

Broja i ishte afruar disa herë golit duke luajtur si zëvendësues, por më në fund e gjeti atë në duelin e parë si titullar me klubin e tij.

 

Leave a Reply