Përfaqësuesja futbollistike e Maqedonisë barazoi pa gola kundër Belgjikës në Gent për të ruajtur vendin e parë në grupin “J” elimantorë, kur është në pyetje kualifikimi në Botërorin e vitit 2026.
Kjo është një pikë shumë e rëndësishme dhe motiv shtesë përpara dy ndeshjeve të mbetura, kundër Kazakistanit të hënën në Shkup dhe muajin nëntor kundër Uellsit në Kardif.
Belgjika luajti rolin e favorites, trajneri Blagoja Milevski vendosi t’u jepte atyre zotërimin e plotë të topit, por për këtë arsye ndërtoi një mbrojtje të fortë përpara portierit fantastik Stole Dimitrievski.
Në minutën e 13-të, erdhi kërcënimi i parë serioz. Kostadinov e dërgoi topin me kokë nga afër, Kevin de Bruyne gjuajti por topi u bllokua në momentin e fundit.
Shtatë minuta më vonë, De Bruyne ekzekutoi një goditje nga këndi, e çoi topin pak jashtë 16-shes, aty ku Salemakers tentoi me një goditje volej, por që përfundoi mbi portë.
Belgët ushtruan presion të ri në minutën e 26-të. Doku arriti të kërcënonte portën e Stole Dimitrievskit, por u bllokua nga Jani Atanasov në momentin e fundit.
Vetëm pesë minuta më vonë, Leandro Trossar e dërgoi topin me kokë mbi traversë.
Në fillim të pjesës së dytë, presioni i vendasve ishte edhe më i madh. Kevin de Bruyne vendosi të gjuante nga 18 metra me këmbën e majtë në minutën e 53-të, por Stole Dimitrievski bëri një pritje të shkëlqyer.
I radhës që u kanos ishte Doku në minutën e 61-të, por sërish në nivel të detyrës ishte portieri, Stole Dimitrievski.
Ndeshja hyri në periudhën e fundit dhe belgët ende nuk kishin zgjidhje. Ata u përpoqën gjithnjë e më shpesh me anë të Dokut, i cili krijoi raste për shokët e tij të ekipit në të majtë. Në minutën e 77-të, pas pasimit të Dokut, Tomoti Kastani nuk arriti të shënonte nga afër.
Pesë minuta më vonë, Doku pasoi përsëri nga krahu i majtë, Openda gjuajti drejt portës, por topi u devijua në rivënie nga këndi.
Në minutën e 88-të, një tjetër gjuajtje e fortë nga Openda nga 20 metra, por përsëri Stole Dimitrievski ishte i shkëlqyer në portë.
Maqedonia në fund arriti të fitojë një pikë të rëndësishme në Gent, ashtu që tashmë e gjithë vëmendja do të përqëndrohet te sfida e radhës, ajo kundër Kazakistanit, që në program është të hënën në Shkup.
