Një dëmtim që ka tronditur të gjithë të pranishmit dhe shikuesit ka ndodhur sot në turneun e Uimbëldonit. Tenistja amerikane Bethanie Mattek-Sands është dëmtuar teksa po i afrohej rrjetës gjatë një shkëmbimi topash, i lëndohet gjuri i djatthtë, me tenisten që filloi të kërkojë ndihmë në fushë.
E para që iu afrua ishte rivalja e saj rumune, që nisi të qante dhe më pas mbërriti bashkëshorti i saj Justin dhe stafi mjekësor. Tenistja ka qëndruar për gati 20 minuta në fushë, ku ka marrë ndihmën e parë, përfshi edhe një frymëmarrje me ndihmën e oksigjenit dhe më pas u transportua në spital.
