Bregallnica e nis me fitore

Bregallnica e Shtipit e ka nisur me fitore aventurën në Ligën e Dytë Lindje, pasi sot në ndeshjen në transfertë me rezultatin 3:1 mundi ekipin e Turnovës, një emër tjetër i njohur për njohësit e futbollit në Maqedoni.

Naumov, Hristov dhe Zdravkov ishin autorë të golave për Bregallnicën, teksa golin e nderit për skuadrën vendase në ndeshjen e zhvilluar në stadiumin “Kukush” e realizoi Mihailov.

Në ndeshjen mes dy skuadrave që këtë vit u promovuan në Ligën e Dytë, Plaçkovica mundi Sasa-n nga Makedonska Kamenica me rezultatin 2:1. Hero i skuadrës vendase ishte Martin Petrov, i cili gjatë pjesës së dytë realizoi të dy golat, teksa golin e vetëm për mysafirët gjatë pjesës së parë e realizoi Zoran Zlatkovski.

Osogova falë golit të shënuar nga Manev mundi minimalisht 1:0 skuadrën e Kozhuvit, teksa ndeshja midis Pobedës së Valandovës dhe Borecit u mbyll me barazim pa gola.

Java e parë në Ligën e Dytë – Lindje mbyllet me 12 shtator me ndeshjen ndërmjet Bellasicës dhe Tikveshit, ndeshje kjo që u shtye për shkak ruajtjes së terenit të stadiumit “Mladost” në Strumicë, aty ku me datë 05 shtator do të zhvillohet takimi kmidis Maqedonisë dhe Shqipërisë, i vlefshëm për eliminatoret e Botërorit “Rusi 2018”.

LDFM – Lindje, Java I

Osogova 1 – 0 Kozhuvi
Plaçkovica 2 – 1 Sasa
Pobeda Valandovo 0 – 0 Boreci
Turnovo 1 – 3 Bregallnica
Bellasica 12.09 Tikvesh 1930

Leave a Reply