Skuadra e njohur italiane e Lacios ka zyrtarizuar transferimin e Valon Berishës nga skuadra e Salzburgut. Ylli i Përfaqësueses së Kosovës në futboll është futbollist më i ri i ekipit nga kryeqendra italiane, me të cilën ka nënshkruar kontratë 5-vjeçare.
Lajmin ekipi italian e ka konfirmuar përmes një komunikatë në uebfaqen zyrtare, por gjithashtu edhe përmes “Twitter-it”.
UFFICIALE 🤝
⚪️🔵 Valon #Berisha è un nuovo calciatore de #LaPrimaSquadraDellaCapitale! #WelcomeBerisha 📝 https://t.co/ZyXQatzI6b pic.twitter.com/YN0GnVoLmK
— S.S.Lazio (@OfficialSSLazio) July 3, 2018
Për Berishën pati një interesim shumë serioz edhe nga Sampdoria, madje në një moment gjithçka u bë fakt i kryer, mirëpo gjërat ndryshuan vetëm në momentin e fundit, kur në këtë çështje u aktivizua Igli Tare, i cili bindi kosovarin për t’iu bashkuar skuadrës “laciale” që këtë sezon do të luaj në ndeshjet e Liga Europa aty ku sezonin e kaluar Berisha me Salzburgun e tij eliminuan Lacion në çerekfinale, që më pas të ndalen në gjysmëfinale nga Olimpiku i Marsejës.
