Ali Adem vijon karrierën në Portugali!

Edhe pse javë më parë mediat në Turqi, por edhe në vend shkruajtën rreth transferimit të mundshëm të Ali Adem te gjigandët turq të Fenerbahçes, një gjë e tillë si duket nuk do të ndodh. Burime të afërta me “infOSport.mk” konfirmojnë se 19-vjeçari shkupjan, aktualisht pjesë e Vardarit, karrierën e tij mund ta vazhdojë në Portugali, te skuadra e Sportingut të Lisbonës.

Menaxheri i tij, Rahman Kishçe, gjatë javës që vjen pritet të udhëtojë vetë drejt Portugalisë, për të precizuar detajet e marrëveshjes, dhe nëse palët dalin të kënaqura, nuk është për tu habitur, nëse Ali Adem e shohim me fanellën e Sportingut të Lisbonës, një ndër skuadrave më të famshme në Portugali, aty ku mund të bashkohet me reprezentuesin aktual të Maqedonisë së Veriut, Stefan Ristovski.

Adem si kapiten i ekipit të të rinjëve të Vardarit këtë edicion ngriti lartë trofeun e Kupës së Maqedonisë, ndërsa me ekipin e parë “kuqezi” po luan tashmë një vit e gjysmë, ku ka regjistruar edhe 17 paraqitje në Ligën e Parë të Maqedonisë dhe 1 në kuadër të ndeshjeve eliminatore të Liga Europa.

Leave a Reply