Arijan Ademi shumë lehtë mund të ndodhë që në sezonin e ri futbollistik të luaj në Turqi te skuadra e Fenerbahçes, aty ku me mjaft sukses po paraqitet Vedat Muriqi.
Anëtari i përfaqësueses së Maqedonisë me Dinamo Zagrebin ka kontratë deri me 30 qershor të vitit 2023, ndërsa sipas asaj që shkruajnë mediat kroate në rast se Bjelica do të merrte drejtimin e Fenerbahçes, strategu kroat do të kërkonte që me vete të merrte edhe Arijan Ademin.
Vlera e futbollistit shqiptarë në tregun europian është 5.5 milion euro. Kujtojmë që në të kaluarën për shërbimet e 28-vjeçarit Ademi interesoheshin edhe skuadra nga Italia, Franca dhe Lindja e Largët, mirëpo i njëjti çdoherë refuzonte ofertat që vinin në adresë të tij, duke i mbetur besnik Dinamos.
