Leo Messi, sulmuesi i Argjentinës, ëndërron të fitojë me kombëtaren e tij. Shpesh ia përmendin që nuk ia ka dalë të marrë një trofe të rëndësishëm.
Sulmuesi ka folur dhe thekson se nuk do të ndalet për ta arritur diçka të tillë.
“Jam gjithmonë në dispozicion të kombëtares së Argjentinës. Ëndrra më e madhe është të fitoj një trofe me këtë fanellë. Kam qenë pranë disa herë. Nuk ndodhi, por do të përpiqem të ndodhë. Gjithmonë do të luftoj për këtë ëndërr”, është shprehur Messi.
Kujtojmë sonte, Messi me Argjentinën e tij kundër Kilit me fillim në ora 23:00 do të zhvillojnë ndeshjen e parë në kuadër të “Copas America”.
