Pas super transferimit të Ferhan Hasanit, drejtuesit e Shkëndijës po bëhen gati të shpërthejnë edhe bombën tjetër, kur janë në pyetje transferimet e reja në këtë afat kalimtarë të dimrit.
Burime të besueshme pranë “infOSport.mk” bëjnë me dije se drejtuesit e skuadrës kampione të vendit janënë bisedimetë avansuara me mbrojtësin e majtë Naser Aliji, i cili një periudhe mbante veshur edhe fanellën e kombëtares shqiptare.
Aliji pritet që të shtojë konkurrencën në mbrojtje, mirëpo i njëjti nuk është emri i vetëm që bënë pjesë në listën e përforcimeve të “kuqezinjëve”.
Një emër tjetër është edhe au i Stiven Eze, nigerianit, i cili në anën tjetër pëlqehet nga vetë trajneri Bruno Akrapoviç.
Që të dy kishin qenë bashkë te Lokomotiva Plovdiv, mirëpo për shërbimet e Eze gjithashtu interesohen edhe gjigandët bullgarë të CSKA Sofjes.
Njëjtë sikurse Naser Aliji dhe Stiven Eze janë futbollistë të lirë, ashtu që nëse gjejnë gjuhë të përbashkët me drejtuesit e Shkëndijës rreth kushteve personale, njëri prej tyre së shpejti do të veshë fanellën “kuqezi”. (infOSport.mk)
