Dueli mes miqve të vjetër Nuhiut dhe Bajramit mbyllet me barazim

Dueli mes miqve të vjetër Ardian Nuhiut dhe Muharem Bajramit është mbyllulr me barazim. Shok të një lagje, të një qyteti, të një skuadre vite më parë, por që sot u desht që të jenë njëri kundër tjetrit. Nuhiu me ekipin e tij Dritën që këtë vit luajti deri në finalen e Kupës së Kosovës, dhe Bajrami me Makedonija GJ.P, me të cilën skuadër që në sezonin e tij debutues arriti që të ngrejë lartë trofeun e Kupës së Maqedonisë, shkruan “infOSport.mk”.

Miqësia e tyre dhe reflektim si duket edhe te skuadrat e tyre, që e mbyllën ndeshjen miqësisht. Në fund Makedonija GJ.P – Drita, 2:2, ndeshje kjo që u zhvillua në stadiumin e Kërçovës.

Të parët në epërsi kaluan futbollistët e Makedonija GJ.P, që shënuan përmes kapitenit të tyre Ermedin Adem, i cili në minutën e 20-të u tregua i saktë nga penaltia, mirëpo Drita u kundërpërgjigjë shumë shpejt dhe në një interval kohor prej vetëm 6 minutash me anë të Hamdi Namanit dhe sulmuesit Marko Simonovski në pushim shkoi me epërsinë 1:2.

Pjesa e dytë rezultoi të jetë më e varfër sa u përket golave, edhe pse nuk munguan rastet nga të dyja ekipet, derisa golin e vetëm në këtë pjesë dhe të barazimit për Makedonija GJ.P e realizoi Sefer Emini në minutën e 85-të.

Këto dy skuadra me datë 26 qershor do të zhvillojnë ndeshjet e tyre të rradhës, edhe atë Makedonija Gj.P sërish në Kërçovë kundër Llapit, derisa Drita kundër Ballkanit në Ohër. (infOSport.mk)

Leave a Reply