Njëri prej futbollistëve të ri të Rabotniçkit, Florian Kadriu sonte do ta luaj ndeshjen e parë zyrtare me skuadrën e tij të re ndaj Tre Penes në eliminatoret e Liga Evropës. Ai pret një debutim me fitore, që të shënojë një start të mirë aventurës së tij me “romantikët”.
“Për mua është ndeshja e parë me klubin e Rabotniçkit që do të luaj në Liga Evropa. Shpresoj në debutim të mirë dhe rezultat pozitiv. Jemi të përgatitur maksimalisht dhe e kemi analizuar mirë Tre Penen dhe jemi të gatshëmpër sfidën e sotme”, – është shprehur për “InfOSport.mk”, Florian Kadriu.
Kadriu te Rabotniçki erdhi këtë verë nga FC Shkupi, ndërsa shënoi edhe një gol në ndeshjen miqësore ndaj Skenderbeut të Shqipërisë.
Kujtojmë që ndeshja Tre Pene-Rabotniçki do të luhet sonte me fillim nga ora 20:30.
FLORIAN KADRIU DEBUTON ME GOL TE RABOTNIÇKI, I SHËNON SKËNDERBEUT
