Mançester Siti dhe Mançester Junajtedi do të zhvillojnë sot finalen e madhe të Kupës FA.
Dy rivalët e urryer lokal do të luajnë mes vete për trofeun e FA Kupës, ndeshje kjo që do të zhvillohet në stadiumin “Uembli” me fillim nga ora 16:00.
Siti vjen në këtë finale pasi në gjysmëfinale eliminoi Shefilld Junajtedin, derisa skuadra e Junajtedit kishte mposhtur Brajtonin.
Who will be celebrating come the end of this weekend? 🤔#EmiratesFACup pic.twitter.com/0oVUWlyo3Q
— Emirates FA Cup (@EmiratesFACup) June 2, 2023
Për ekipin e Pep Guardiolas fitorja në finalen e sotme është e rëndësishme pasi do të mbante lartë moralin për finalen e Ligës së Kampionëve pas tetë ditësh në Stamboll kundër Interit, ndërsa për ekipin e Erik ten Hag do ishte trofeu i vetëm në një sezon relativisht të suksesshëm për “Djajtë e Kuq”, që edicionin e ardhshëm rikthehen të luajnë në Ligën e Kampionëve.
Pep Guardiola në këtë ndeshje nuk do të mund të llogarisë në shërbimet e Benjamin Mendy, ndërsa te “Djajtë e Kuq” do të mungojnë emra si Mason Grinvud, Entony Martial, Lisandro Martinez, Marcel Sabitzer dhe Donny van de Beek.
