Djali dhe babai janë ndëshkuar me karton të kuq njëri pas tjetrit në një ndeshje të Ligës së Katërt të Anglisë. Futbollisti i Forest Grin Rouers, Çarli Kuper u ndëhskua me karton të kuq në minutën e 39-të pas një starti të ashpër ndaj futbollistit kundërshtarë të Uikomb Uonderers.
Babai i tij, Mark, i cili luan rolin e trajnerit kryesor te skuadra e Forest Grin, reagoi shumë ashpër ndaj arbitrit kryesor, i cili pa menduar shumë e ndëshkoi edhe atë me karton të kuq, duke e dërguar atë në tribuna. Në momentet e ndëshkimit rezultati ishte 0:1 në favor të Uikombit, ndërsa në fund ndeshja u mbyll me fitoren e mysafirëve 1:2. Forest Grin mban pozitën e fundit në “Liga 2” me 20 pkë dhe një ndeshje më pak se Çesterfild në pozitën e 22-të, që ka një pikë më shumë.