Felipe çmend tifozët e Vardarit, i lumtur që kam firmos me klubin më të mirë në Maqedoni

Shkëndija të shtunën ka bërë transferimin më të bujshmë të kësaj merkatoje, duke transferuar brazilianin, Huan Felipe, një nga futbollistët e huaj më të mirë që ndonjëherë ka luajtur në futbollin vendor, njofton “infOSport.mk”.

Felipe te Shkëndija transferohet nga rivali i përjetshëm, Vardari, që në këtë mënyrë ka marrë një goditje të rëndë, e mbi të gjitha tifozët e kësaj skuadre, të cilët mllefin e tyre po e shprehin nëpër rrjetet sociale.

Atyre nuk u ka pëlqyer aspak një vendim i këtillë i brazilianit, që vite më parë ishte një ndër futbollistët më të dashur në mesin e tyre.

“Po unë e dij pse jam këtu. Është ekip i madh dhe për këtë jam këtu për të dhënë më të mirën për të kërkuar titujt, të luajmë në Liga Europa që është objektiv i madh për ekipin. Gjithashtu për të demonstruar më të mirën nga vetja, ashtu si kam bërë në skuadrat paraprake. Pres të jemi kampion dhe gjërat të shkojnë mirë këtu” – tha Huan Felipe për sajtin zyrtarë të klubit.

Duke ditur ambiciet e skuadrës braziliani thotë se është i vetëdijshëm përse Shkëndija e solli në skuadër.

“Sigurisht se po. Unë gjithmonë kam folur me Zhuniorin, pasi ne jemi miq të afërt dhe kur unë vija në shtëpinë e tij, apo kur ai vinte te unë gjithmonë kemi folur se Shkëndija është skuadër e madhe dhe me kalimin e kohës sigurisht se do të realizojë objektivin e vet të luajë në Liga Europa. Tani me ardhjen time këtu pres që të arrijmë objektivat të luajmë në Liga Europa dhe të hyjmë në fazën e grupeve” – tha Felipe.

Braziliani në fund ka përsëritur kënaqësinë që firmos me Shkëndijën dhe nëse do pyetej nëse është i vetëdijshëm se bëhet pjesë e klubit më të mirë në Maqedoni, në përgjigjen e tij nuk ka asnjë dilemë.

“Po, sigurisht. E dij se Shkëndija është skuadër shumë e madhe dhe për këtë unë jam këtu. Nëse një skuadër është e madhe, atëherë duhet të ketë lojtarë të mëdhenj gjithashtu”, përfundoi Felipe.

Leave a Reply