Zinedine Zidane, si zakonisht para ndeshjeve të Ligës së Kampionëve, është shfaqur në konferencën për shtyp para mediave për të folur në prag të ndeshjes gjysmëfinale me Çelzin.
Ndeshja e parë mes këtyre dy skuadrave e zhvilluar në Madrid, ishte mbyllur me barazimin 1:1, rezultat ky që i favorizon “blutë” e Londrës për të avansuar në finalen e madhe, megjithatë kur është në pyetje Reali i Madridit gjithçka mund të ndodhë.
Zidane u pyet lidhur me gjendjen e dyshes, Eden Hazard dhe Serhio Ramos, nëse do të luajnë sonte.
“Është një moment shumë i mirë për ne. Kemi nevojë për Eden, do të na ndihmojë sigurt”, tha Zizu.
“Hazard dhe kthimi i tij në Stemford Brixh? E dimë çfarë lojtari është dhe kualitet që ka, besojmë te ai dhe besojmë se do të na ndihmojë. Jemi të lumtur që e kemi këtu”
“A do të rrezikosh me Ramosin? Nuk po rrezikojmë asgjë. Ramos është me ne, përderisa është me ne do të thotë se është i gatshëm të luajë”, – u përgjigj Zidane.
